MGA sakop sa civil society organizations nga nagbase sa Sugbo ang nihimo og lihok protesta sa gawas nga bahin sa buhatan sa Ombudsman Visayas, dalan M. Velez, Barangay Guadalupe, Dakbayan sa Sugbo niadtong Miyerkules, Hulyo 30, 2025.
Ang maong kalihukan gihimo agi sab og suporta ngadto sa chairman sa Bagong Alyansang Makabayan (Bayan) nga si Jaime Paglinawan ug laing tulo ka mga kauban nga niduso og dokumento sa Ombudsman.
Kini may labot sa ilang gisang-at nga reklamong administratiba ug criminal batok sa usa ka Department of Justice (DOJ) state prosecutor.
Ilang gipadayag nga ang binuhatan alang sa kalambuan alang sa matarong nga katuyoan ug dili kini maisip nga usa ka krimen. / Juan Carlo de Vela
